Casos coma este non se poden dar mais en Pontedeume

Eu penso que casos coma o que vos contarei a continuación non se poderían dar mais en Pontedeume.
Paso a contárvolo para que así teñades unha mellor visión do tema: trátase dun coche que chegou o venres de noite e aparcou na praza do pilón, descoñezo si viu ou non o sinal que hai no lugar e que impide o estacionamento no lugar os días de feirón, polo que o problema xurde cando van a montar os feirantes os seus postos, postos polo que pagan uns cartos ao concello. Como o dono do vehículo non aparece soluciónase cunha denuncia mentres os feirantes teñen que variar a ubicación dos mesmos. O coche como se puido ver estivo no lugar todo o sábado e mailo domingo, quitándoo o seu dono hoxe pola mañá, polo que visto o visto o conductor tivo un erro erro que se castigou coa denuncia pertinente pero que non se evitou a situación pola que se puxeron os sinais que avisan do feirón.


Por ese motivo vou facer unha pregunta e variando un pouco a situación ¿qué pasaría se atopásemos un vehículo estacionado diante da porta do noso garaxe que está sinalizado con vado permanente?

• ¿Poránlle unha denuncia e terei que esperar a que o seu dono retire o vehículo?
• Mentres non o retire e como vou chegar tarde o traballo ¿teño que coller un taxi ou outro medio de locomoción por non poder ir con o meu coche?

¿Non sería o mais xusto dispor un servizo de grua, propio ou concertado, para estes casos antes de que lle pase a algún veciño o que relatei antes?.